Davet

Metodologjitë e Da’uetit kufizohen në tekstet e Kur'anit dhe Sunetit.

Autor: esh-Shejkh Salih el-Feuzan

Burimi: el-Ixhabatul-Muhimmeh fij el-Meshakilil-Mulimmeh (fq. 174-175, n.139,361)

Përktheu: Alban Malaj

“Metodologjitë e Da’uetit janë teukifijeh (d.m.th. janë të kufizuara në tekstet e Kur'anit dhe Sunetit), të sqaruara dhe të shpjeguara në Kur'an, në Sunet dhe në jetëshkrimin e të Dërguarit të Allahut (sal-lAllahu ‘alejhi ue sel-lem). Ne nuk shpikim në të asgjë nga vetet tona. Ato gjenden në Librin e Allahut dhe në Sunetin e të Dërguarit të Allahut (sal-lAllahu ‘alejhi ue sel-lem). Dhe nëse shpikim (diçka të re nga vetet tona), atëherë do të humbasim dhe do të çojmë në humbje edhe të tjerët. Ai (sal-lAllahu ‘alejhi ue sel-lem) ka thënë: “Kushdo që shpik në këtë çështjen tonë (d.m.th. në Fenë Islame) diçka që nuk është prej saj, atëherë ajo është e refuzuar.” [Transmetuar nga Bukhari (n. 2697) dhe Muslimi (n. 1718) nga ‘A’ishah (radij-Allahu ‘anha).]

Po, ka mjete të cilat janë përdorur sot për Da’uet, të cilat nuk kanë qenë më përpara, siç është mikrofoni, stacionet radiofonike, gazetat, revistat, mjetet e komunikimit të shpejtë (si Interneti) dhe satelitët. Këto quhet mjete (uesa’il), të cilat përdoren për dobine e përhapjes së Da’uetit. Por ato nuk quhet “metodologji”. Për sa i përket metodologjive, Allahu i Lartësuar ka sqaruar me thënien e Tij:

ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ (١٢٥)

“Ftoji (njerëzit O Muhammed) në Udhën e Zotit tënd me urtësin dhe me këshillë të të bukur dhe debato me ta në mënyrën më të mirë.” [en-Nahl, 125]

Dhe thënia e Allahut të Lartësuar:

قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَا وَمَنِ اتَّبَعَنِي وَسُبْحَانَ اللَّهِ وَمَا أَنَا مِنَ الْمُشْرِكِينَ (١٠٨)

“Thuaj (O Muhammed): “Kjo është Udha ime; unë ju ftoj drejt Allahut me basira (me dije të sigurt), unë dhe kushdo që më ndjek mua.” [Jusuf, 108]

Dhe ajo që sqaron metodologjitë e Da’uetit është jetëshkrimi i Pejgamberit (sal-lAllahu ‘alejhi ue sel-lem) që tregon Da’uetin e tij në Mekkeh dhe Medine.